मुसाले रोके हवाइजहाज

बल र सामथ्र्यको कुरा गर्ने हो भने मुसा कति नै बलियो हुन्छ र ! सानो र निरिह मानिने मुसाले सयौं यात्रु बोकेर असिमित आकासमा उड्ने हवाइजहाजलाई उड्नबाट रोकेपछि भने यो प्राणीलाई चानचुने ठान्नु भूल हुनेछ । अष्ट्रेलियाको सिड्नी विमानस्थलमा उडानका लागि तयार रहेको एक हवाइजहाज चारवटा मुसाका कारण केहि घण्टा उड्न सकेन् । उडानअघिको परिक्षणका क्रममा क्याबिनमा मुसा भेटिएपछि उडान स्थगित गरिएको थियो ।
हवाइजहाज चेकजाँचका क्रममा इमर्जेन्सी मेडिकल उपकरणमा मुसा भेटिएको एक एअरलाइन्स अधिकारीले बताए । मुसाले विशेष तारहरु काटेको हुनसक्ने आशंकाका कारण बि्रस्वेन उड्न लागेको उक्त विमानका यात्रुहरुलाई अर्कै विमानमा पठाउनु परेको थियो । विमानभित्र कसरी मुसा आयो भन्नेबारे अहिले गम्भिर छानविन भइरहेको अधिकारीहरुले बताएका छन् ।

चरालाई मुद्दा

       तपाईलाई कसैले बेइज्जत गरे के गर्नु हुन्छ ? तपाईलाई निश्चय नै रिस उठछ, अनि बेइज्जत गर्ने ब्यक्तिलाई गालीको वर्षा । छिमेकी भए केहि समय वा सधैभरिका लागि बोलीचाली र सम्बन्ध विच्छेद नै गर्नु होला । केटाकेटी भए नि ? सायद हकार्नु हुन्छ र माफ गर्नु हुन्छ । यसमा धेरैले धेरै प्रतिक्रिया देखाउलान् । तर अदालतसम्म धाएर मुद्दा हाल्ने झंझट भने कसैले पनि नगर्लान् । आफूलाई सहनै नसक्ने गरी एक चराले बेइज्जत गरेपछि भने ताइवानका वाङ हानचिनले अदालतमा मुद्दा दायरा गरेका छन् ।

इलेक्टि्रसियनको रुपमा काम गर्दै आएका हानचिनले घरबाट कार्यालय जाँदा हरेक बिहान चराको गाली सुन्नु परेपछि वाक्क बन्दै अन्ततः अदालतको ढोका ढक्ढक्याउन पुगेका हुन् । आफूविरुद्व गालीगलौजको शब्द सिकाएको दाबीसहित उनले पाँच छिमेकीविरुद्व मुद्दा हाली क्षतिपूर्ति माग गरेका छन् । अचम्मको कुरा के छ भने उक्त चराले हानचिनलाई मात्र कार्यालय जाने समयमा तथानाम गाली गर्ने तथा सराप्ने गरेको रिटमा जनाइएको छ ।

चराले ‘मुर्ख, बुद्विहीन, हाब्रे’ जस्ता शब्द बोल्ने गरेको हानचिनको दावी छ । हरेक बिहान चराले आफूलाई गाली गरेपछि मानसिक तनाब बढेको र दिउासो कार्यालयमा काम गर्दा उचित ध्यान दिन नसकेको पीडित पुरुषले बताएका छन् । विद्युत जस्तो खतरनाक क्षेत्रमा कार्यरत उनले एक दिन ध्यान गुमाउादा शरिरमा जलन घाउ भएको बताएका छन् ।